pidato Pranata Acara Jam'iyah Miftahul Jannah Dukuh Bogol Megawon Jati Kudus

السلام عليكم ورحمة الله وبر كا ته

بسم الله الرحمن الرحيم

الحمد لله رب العلمين, وبه نستعين على امور الدنيا والدين, والصلاة والسلام على اشرف المرسلين, سيدنا ومولنا محمد وعلى اله وصحبه اجمعين

ام بعد

Dumateng poro sesepuh pini sepuh , poro alim ulama ingkang tansah kulo derekaken fatwa-fatwanipun

Dumateng poro ibu pengurus soho anggota jam’iyah miftahul jannah, wabil khusus shohibul bait ibu........... sekeluarga ingkang kulo hormati.

Sumonggo kito tansah ngaturaken raos puji syukur wonten ngarsanipun gusti Allah SWT, biqoulina .................. ingkang sampun pareng pinten-pinten rahmat, taufiq, hidayah soho inayahipun sahenggo wonten ing ndalu puniko kito sedoyo saget makempal wonten ing dalemipun ibu.............. kanti kawontenan sehat wal afiyat mbuten kirang setunggal punopo

Sholawat soho salam tansah ka aturaken dhumateng  junjungan kito Nabi Agung Muhammad SAW, biqoulina............................ mugi-mugi wonteng ing  yaumul Qiyamah, kito sedoyo tansah pikantuk  Syafaatul udzma.  Amin allohumma amin

Boten kesupen, kulo aturaken marhaban ahlan wa sahlan bi hudzurikum dumateng poro rawuh sedoyo lan matur nuwun sanget khususipun dumateng shohibul bait  ibu................

ingkang sampun pareng panggenan lan sak ugo rampenipun.

Ibu- ibu ingkang kulo hormati

Sumonggo acara wonten ing dalu puniko kita milai kanti waosan ummul kitab, kanti pangajab mugi-mugi acoro wonten ing dalu punika saged lumampah kanti lancar mboten wonten alangan setunggal punopo.

Acara saklajengipun inggih puniko piwaosan ayat-ayat suci Al-qur’an, ingkang badhe dipun waosaken dening Ibu ................

Dumateng Ibu ............ wekdal soho panggenan kulo sumanggaaken,

Matur nuwun, mugi-mugi piwaosan ayat2 Al-qur’an wau saget nyafa’ati kito wonten ing  yaumil qiyamah, amin Allahumma Amin

Acara saklajengipun piwaosan syahadat soho istighfar songo dilajengaken surat Yasin kanti sesarengan ingkang badhe dipun pimpin dining ibu..............

Dumateng Ibu ................ wekdal soho panggenan kulo sumanggaaken,

Matur nuwun,

Acara saklajengipun piwaosan tahlil soho do’a ingkang badhe dipun pimpin dining ibu..............

Dumateng Ibu .............. wekdal soho panggenan kulo sumanggaaken,

Acara saklajengipun istirahat soho pengumuman-pengumuman...................

Ibu-ibu ingkang kulo hormati,

wekdal istirahat qulo raos sampun cekap. Sakderengipun acara kulo pungkasi, kulo minangkani pranoto acoro, mbok bilih anggene kulo matur wonten kesalahan kulo nyuwun agunging samudro pangaksami.

Sumonggo acara wonten ing dalu puniko kita akhiri kanti waosan Asmaaul khusna

والسلام عليكم ورحمة الله وبركاته